El patio de las moreras (Vaiven)
Antzerkia Gazteleraz
Sinopsia
Isabelek hogei urte daramatza jaioterritik kilometro askotara bizitzen, familiatik, sustraietatik eta hazitokitik urrun. Ama, Amparo, gaixotu, eta Isabel etxera itzuliko da bere zaintzan laguntzeko, Candi ahizpak eta aitak arnasa hartzeko aukera izan dezaten, haiek baitira bertan bizi eta egunerokotasunaz arduratzen direnak. Bat-batean, etxea, usainak, soinuak, objektuak, argiak… Isabel eramango dute haurtzarora, nerabezarora, ametsetara, sustraietara, traumetara, sinesmenetara, ilusioetara, amodioetara… Oroitzapen fantastikoak, haurtzaroko oroitzapen guztiak bezala, izan zirenaren eta ustez izandakoaren artean nahasten direnak, nahiaren eta kontatutakoaren artekoak. Eta magia agertuko da, eta haurtxo batek negar egiten du amaren sabelean, itsu batek koloreak eta musika ikusiko ditu. Haurrak Dohainarekin jaioko dira, lehenengo maitasunak arropa garbiaren usaina du, ohitura txarrak ozpinarekin joaten dira, eta beti bezala, dena argiz eta itzalez betetzen da. Oroitzapenak orainarekin lotzen dira, eta Isabelek inguru hori orain nolakoa den aurrez-aurre ikusiko du, alegia… bere gurasoak, ahizpak, bera, etxea, kalea, gaixotasuna, familia..
Kredituak
Antzezleak: Sara Cozar/Sandra Ferrús, Martxelo Rubio, Aizpea Goenaga, Dorleta Urretabizkaia/Vito Rogado, Ana Pimenta/Olatz Beobide
Testua, zuzendaritza: Sandra Ferrús
Zuzendari laguntzailea: Kepa Errasti
Musika: Iñaki Salvador
Espazio eszenikoa, jantziak: Elisa Sanz
Argiztapena diseinua: David Alcorta
