Jai-giroa gogoan
Zornotzako Musika Banda
Musika
Sinopsia
Zornotzako Musika Bandak bere 2024-2025 denboraldia martxan jartzen du “Oroitzapenak” lelopean. Aurtengo denboraldiak bertako musika-ondarearen oroitzapenak ekarri nahi ditu gogora: banda historikoa eta haren musika, historian zehar abestutako gabon-doinuak, emakume sortzaile eta artistek sortu eta garatzen duten musika, euskal bertsolaritzaren inguruan sortu diren doinu eta abestiak, eta jaietako doinuak herriko txistulari eta gaiteroekin batera.
Udako sasoiari hasiera emateko, herri desberdinetako jai-doinuak oroituko ditugu, giroa sortzen duten kideen laguntzaz: banda, txistulariak, trikitilariak, gaiteroak eta albokariak. Gainera Etxanoko Erraldoien eta Udabarri Dantza Taldeko lagunen parte hartze-berezia ere izango dugu. Udari hasiera freskoa emateko prest!
Kredituak
Zuzendaria: Aritz Labrador
Gonbidatuak: Udazken txistulari eta gaiteroak. Triki Piu Pand. Etxanoko erraldoiak. Udabarri Dantza Taldea
