Paperezko hegoak (20:00)
Sinopsia
Nola sortu zen Euskaldunon Egunkaria-ren aurkako operazioa? Zergatik erabaki zuen Espainiako estatuak haren aurka jotzea? Zer nahi zuten euskalgintzako pertsona ezagun eta ospetsuak atxilotu, torturatu eta publikoki umiliatu zituztenean? Zergatik itxi zuen Guardia Zibilak euskarazko egunkari bakarra? Dokumental honek galdera horien erantzunak bilatzen ditu, garaiko gakoak eta faktoreak ardatz hartuta. Ikerketa sakon baten ondorioz, lehen mailako pertsona ospetsuen testigantzen bidez eta egunkariko artxiboetatik ateratako irudi argitaragabeen bidez, orain arte ezezagunak ziren perspektibak eta datuak ezagutaraztea da filmaren apustua.
